Sairam ,If you wish to share your experiences ,poems on Sai or any Sai mandir information ,sai paintings etc then mail us on any one e-mail Id's .

Mail to priyanka Rautela -saipriya.rautela@gmail.com
Mail to Tyaga Raju Ji - tyagaraju.a@gmail.com

Wednesday, December 17, 2014

కానీ ఖర్చులేని వైద్యం - వెలకట్టలేనిది

0 comments Posted by tyagaraju on 12:55 AM
        
         

17.12.2014 బుధవారం
సాయి బంధువులకు బాబావారి శుభాశీస్సులు
కానీ ఖర్చులేని వైద్యం - వెలకట్టలేనిది
ఈ రోజు సాయిలీల ద్వైమాసపత్రిక మే-జూన్ 2008 సంచికలోని మరొక లీల తెలుసుకుందాము.
శ్రద్ధ, సబూరి, నమ్మ, విశ్వాసం ఇవన్నీ మనకు బాబా మీద ఉండాలే కాని, బాబా అధ్బుతమైన లీలలని ప్రదర్శిస్తారు. 

సంగమేష్ హీరేమథ్ (సుభాగన్ ఈ సాయి నికేతన్ మాన్షన్, 87/701, ఏ వింగ్, పూనం సాగర్ కాంప్లెక్స్, మీరా రోడ్ (తూర్పు) బొంబాయి.

13 సంవత్సరాలుగా నేను బాబాని పూజిస్తూ ఉన్నాను. ఉద్యోగాన్వేషణలో నేను బొంబాయికి వచ్చినపుడు నా చేతిలో చిల్లిగవ్వ లేదు.  కొద్దిపాటి దుస్తులతో వచ్చాను.  ఒక సాయిభక్తుడి ప్రభావం వల్ల నేను కూడా సాయిభక్తుడిగా మారి బాబాని పూజించసాగాను.  బాబా ఆశీర్వాదం వల నాకు మంచి కంపెనీలో ఉద్యోగం దొరికింది.  ఇపుడు నేను స్వంతంగా వ్యాపారం చేసుకొంటూ, వివాహం చేసుకొని ఆనందంగా ఉన్నాను. మా అన్నయ్య శరణ్ బసవ హీరేమథ్  కి ఐశ్వర్య అనే 10సంవత్సరాల వయసుగల కుమార్తె ఉంది.  ఆమె గుండె జబ్బుతో బాధపడుతూ ఉంది.  బొంబాయిలోని ఒక ప్రముఖ ఆస్పత్రిలో పరీక్ష చేయించాము.  అందులో ఆమెకి గుండెలో 10 మిల్లీ మీటర్ల రంధ్రం ఉందనీ అది యింకా పెద్దదవుతూ ఉందనే విషయం బయటపడింది. వెంటనే ఆపరేషన్ చేయకపోతే అమ్మాయి దక్కదని చెప్పారు.  మాబంధువు ఒకరు అమ్మాయిని బెంగళూరులో జై దేవ్ ఇన్స్టి ట్యూట్ ఆఫ్ కార్డియాలజీ లోను, నారాయణహృదయాలయాలోను చూపించమని చెప్పారు.  అక్కడ కూడా డాక్టర్లు వెంటనే ఆపరేషన్ చేయడం తప్ప గత్యంతరం లేదని చెప్పారు.  ఆపరేషన్ కి లక్షలలో ఖర్చవుతుంది.  మా అన్నయ్యకి అంత ఖర్చు భరించే స్థోమత లేకపోవడంతో, భారమంతా బాబా మీదే వేసి ప్రతీరోజు నిష్టగా బాబాని పూజిస్తూ ఈ కష్టాన్నుండి గట్టెక్కించమని ప్రార్ధిస్తూ ఉండమని సలహా యిచ్చాను.

నేను చెప్పినట్లుగానే క్రమం తప్పకుండా శ్రధ్ధాభక్తులతో బాబాని ప్రార్ధించడం మొదలుపెట్టారు.  దాని ఫలితంగా ఐశ్వర్య ఆరోగ్యంలో గణనీయమైన మార్పు కనిపించింది.  ఆరోగ్యం బాగా మెరుగు పడింది.  సంవత్సరం తరువాత ఆస్పత్రిలో పరీక్ష చేయించాము.   గుండెలోని రంధ్రం పెద్దదవడం ఆగిపోవడమే కాకుండా 10 మిల్లీమీటర్లు ఉన్న రంధ్రం 5 మిల్లీమీటర్లకి తగ్గిపోయింది.  అమ్మాయి ప్రమాదం నుండి బయటపడింది.  ఈమధ్య కాలంలో మేము అమ్మాయికి యిచ్చిన మందు బాబావారి పాద తీర్ధం, ఊదీ.  
          

కానీ ఖర్చులేని వైద్యం.. (ఈ వైద్యానికి వెల కట్టగలమా?)బాబా మీద పూర్తి విశ్వాసంతో మా అన్నయ్య యిప్పుడు తమ యింటిని ఒక సాయి దేవాలయంగా మార్చేశారు.  బాబా అనుగ్రహంతో వారు ఆయురారోగ్యాలతో హాయిగా ఉన్నారు.

(సర్వం శ్రీసాయినాధార్పణమస్తు) 

Monday, December 15, 2014

రైలు క్రింద పడినామె ఏమయింది?????

0 comments Posted by tyagaraju on 8:17 AM
               

15.12.2014 సోమవారం

సాయి బధువులకు బాబావారి శుభాశీస్సులు
రైలు క్రింద పడినామె ఏమయింది?????

ఈ రోజు సాయి లీల ద్వైమాసపత్రిక మే-జూన్ 2008 సంవత్సరం సంచికలో ప్రచురింపబడిన ఒక అద్భుతమైన లీలని తెలుసుకొందాము.  

దేహానంతరం తరువాత కూడా బాబా తన అధ్బుత లీలలను ప్రదర్శిస్తూనే వున్నారన్నదానికి ఇది మరొక లీల.

శ్రీమతి సోనాల్ మోహన్ భిడే, (302, ఓం సత్యేంద్ర సొసైటీ, రాజాజీ పాత్, రెండవ వీధి, పాట్ కర్ స్కూల్ వద్దస్, డొంబివ్లి,(తూర్పు) థానే జిల్లా, మహరాష్ట్ర.

ఆరోజు డిశెంబరు 6వ.తారీకు, 2007వ.సంవత్సరం.  ప్రదేశం: ఠానే రైల్వే స్టేషన్, ప్లాట్ ఫారం నం.2, సమయం రాత్రి గం.9.30 ని. 

నా మొబైల్ లో సాయి భజన పాటలు వింటూ డోంబివ్లి కి వెళ్ళే రైలు కోసం నిరీక్షిస్తూ ఉన్నాను.  అప్పుడే రైలు స్టేషన్ లోకి వస్తూ ఉంది.  నేను కొంచెం ముందుకు వెళ్ళాను.  అకస్మాత్తుగా ఒక దొంగ నా చేతిలోని మొబైల్ ను లాక్కుని పట్టాల మీదకు దూకి పరుగెత్తుకొని వెళ్ళిపోయాడు.  ఒక్కసారిగా అనుకోకుండా జరిగిన ఆ హటాత్ సంఘటనకి, దొంగ నానుండి మొబైల్ లాక్కోవడం వల్ల కలిగిన ఆ అదురుపాటుకి ముందుకు తూలి నేను రైలు పట్టాలమీద పడిపోయాను.  
మృత్యువు నాముఖంలోకి తేరిపార చూస్తున్నట్లుగా కనిపించింది.  రైలింజను హెడ్ లైటులు నాకు దగ్గరగా రాగానే నాకుంటుంబ సభ్యులందరూ నాకళ్ళముందు కనిపించారు.  నేను సాయిని "ఇపుడు నువ్వేం చేస్తావో నీయిష్టం" అని ప్రార్ధించాను.  సాయి ప్రేరణ వల్లనే కావచ్చు వెంటనే నేను ఎడమవైపుకు తిరిగి, చిన్నమూటలాగ ముడుచుకొని ఉండిపోయాను.  

రైలు డ్రైవరు వెంటనే బ్రేక్ వేశాడు.  కాని రైలు నామీదనుంచి మూడు బోగీలు వెళ్ళిన తరువాత ఆగింది.  ప్లాట్ ఫారం మీద ఉన్న ప్రయాణీకులందరూ "ఎవరో ఒకామె రైలు కింద పడిపోయింది.  బహుశ ఆమె చనిపోయే ఉంటుంది.  శరీరమంతా ముక్కలు ముక్కలయి ఉంటుంది" అని బిగ్గరగా అరిచారు.  కాని నేను బోగీల చక్రాల మధ్య ఖాళీ గుండా పాకుకుంటూ వచ్చేసరికి వారి ఆశ్చర్యానందాలకి అంతు లేదు.  వారంతా సంతోషంతో "ఆమె క్షేమంగా తిరిగి వచ్చింది" అని కేకలు వేశారు.  

నాచేతిలో ఉన్న పర్సు, బ్యాగ్ అలాగే ఉన్నాయి.  నేను సల్వార్ కమీజ్, దుపట్టా దుస్తులతో ఉన్నాను.  కాని నాశరీరం మీద ఎక్కడా కూడా చిన్నపాటి గీరుడు కూడా లేదు.  ఇది అధ్బుతం కాదూ?  నాకు ప్రాణభిక్ష పెట్టి పునర్జన్మ ప్రసాదించిన నా సాయిని జీవితాంతం మరువలేను.  

(సర్వం శ్రీసాయినాధార్పణమస్తు)
 

Shirdi Sai Real Leelas

Bhjans Of Sai

Sai Prayer Club

My Blog List