నానాసాహెబ్ చందోర్కర్ -(3వ.ఆఖరి భాగం)

              

                   

           

13.06.2014 శుక్రవారం

ఓం సాయి శ్రీసాయి జయజయసాయి

సాయి బంధువులకు బాబావారి శుభాశీస్సులు

నానాసాహెబ్ చందోర్కర్ -(3వ.ఆఖరి భాగం) 

    

నానాసాహెబ్  తన మొహాన్ని దిండు మీద పెట్టుకొని సర్జన్ ఎప్పుడు వస్తాడా అని ఎదురు చూస్తూ బోర్లా పడుకొన్నాడు. ఆసమయంలో గది పైకప్పునుండి ఒక పెంకు ముక్క జారి సరిగా ఆయన వీపుమీద లేచిన వ్రణం మీద పడింది.  అలా పడటంతోనే వ్రణం పగిలి చీము, నెత్తురు మెల్లగా బయటకు కారసాగింది .  దాంతో నొప్పి కూడా తగ్గడం ప్రారంభమయింది.

తరువాత సర్జన్ వచ్చి ఆ అధ్బుత సంఘటనను చూసి ఆశ్చర్యపోయాడు. ఆపరేషన్ అవసరం లేకుండ వ్రణం పగిలి నానాసాహెబ్ కి బాధ లేకుండ పోయింది.  సర్జన్ యిక ఆపరేషన్ అవసరం లేదని చెప్పాడు.  చిన్న విషయమయినా సరే, ప్రార్ధించకపోయిన బాబా తన అంకిత భక్తులకోసం వెంటనే వచ్చి కాపాడతారన్నదానికి యిదే ఒక ఉదాహరణ.  కొద్దిరోజుల తరువాత నానాసాహెబ్ షిరిడీ వెళ్ళారు.  అప్పుడు బాబా "ఎవరైనా, నన్ను యిబ్బంది పెట్టడమెందుకని భావించినా, ఆఖరికి నేనే స్వయంగా నాచేతులతో పుండును చిదిమివేస్తాను" అన్నారు. 

 1913-1914 లో నానా సాహెబ్ చందోర్కర్  అనారోగ్యం వల్ల దీర్ఘకాలిక శలవు పెట్టాడు.  భార్యతో సహా షిరిడీలోనే ఉండి బాబా సేవ చేసుకోసాగాడు.  నానాసాహెబ్ బాబా గురించి, బాబా యిచ్చిన సందేశాలను , బాబా మీద భక్తిని పెంపొందించుకున్నందువల్ల కలిగే ప్రయోజనాలు వీటన్నిటి గురించి ప్రజలలో ప్రచారం చేశాడు.  ముఖ్యంగా పూనా, బొంబాయి వంటి పట్టణాలలో ప్రచారం చేసిన ఫలితంగా కులమత భేదాలు  లేకుండా దేశవ్యాప్తంగా ప్రజలందరూ బాబా దర్శనానికి షిరిడీకి రావడం ప్రారంభించారు.  భక్తులందరికీ బాబావారి మహిమలు అనుభవమయ్యాయి.  అలా అనుభవాలను పొందిన భక్తులందరూ తమకు బాబాని పరిచయం చేనందుకు నానా సాహెబ్ కి ధన్యవాదాలు తెలుపుకొన్నారు. 

బాబా గురించి ఆయన మహిమలను వ్యాప్తిలోనికి తెచ్చినవాళ్ళలో నానాసాహెబ్ మొదటివాడు.  ఆయన తరువాతే దాసగణు, దీక్షిత్, బీ.వీ.దేవ్, బీ.వీ.నరసిం హస్వామీజీ గార్లు.  నానాసాహెబ్ యిచ్చిన ప్రోద్బలంతో బీ.వీ.నరసిం హస్వామీజీ గారు షిరిడీ వెళ్ళి బాబా తత్వం మీద, ఆయన జీవితం మీద ఎంతో పరిశోధన చేశారు.  ఆయనకు నానాసాహెబ్ అంటే ఎంతో గౌరవం.  నానాసాహెబ్ వల్లే దీక్షిత్, ధబోల్కర్, దాసగణు, రాధాకృష్ణమాయి, మోరేశ్వర్ ప్రధాన్, తాత్యా సాహెబ్ నూల్కర్, బాలాసాహెబ్ దేవ్, మాధవరావ్ అడ్కర్ లాంటి ఎంతో మంది భక్తులు షిరిడీకి రావడం తటస్థించింది.  

     

ఆయన కృషి వల్ల దాదాపు 2000 మంది యాత్రికులు బొంబాయినుండి బాబాదర్శనం కోసం షిరిడీ వచ్చారు.  మహారాష్ట్రలో బాబా గురించి ప్రచారం చేసి ప్రజాదరణ చేసిన మొదటి భక్తుడు ఆయన.  ఆయన బంధువయిన బాలభావ్ చందోర్కర్ 1911నుండి షిరిడీ దర్శించే యాత్రికుల కోసం చిన్న హోటలు నడుపుతు ఉండేవాడు.  ఆయన పెద్ద కుమారుడు బాబూసాహెబ్ చందోర్కర్ వివాహం 1912లో గాలియర్ లో జరిగింది.  రెండవకుమారుడయిన బాపూరావు చందోర్కర్ వివాహం 1921 లో నానా మరణించిన తరువాత 1922 లో జరిగింది.  నానాసాహెబ్ 61సం.వయసులో ఆగస్టు, 21, 1921 సం.ఏకాదశిరోజున కళ్యాణ్ లో ప్రశాంతంగా కన్నుమూసాడు.  మహాభక్తుడయిన నానాసాహెబ్ చందోర్కర్ ధన్యుడు.  

(సమాప్తం)

(సర్వం శ్రీసాయినాధార్పణమస్తు)   
ఆంగ్లమూలం
శ్రీబొండాడ జనార్ధనరావు
సాయి ప్రచారక్
బెంగళూరు  - 560 068

వారి బ్లాగునుండి సంగ్రహింపబడినది.
bonjanrao.blogspot.com

            

నానాసాహెబ్ చందోర్కర్ - 2 వ.భాగము

                  
                
12.06.2014 గురువారం

ఓం సాయిశ్రీసాయి జయజయ సాయి

సాయిబంధువులకు బాబావారి శుభాశీస్సులు

నానాసాహెబ్ చందోర్కర్ - 2 వ.భాగము

    

షిరిడీ దర్శించే భక్తుల కోసం నానాసాహెబ్ ఒక భోజనశాలను ప్రారంభించాడు. దీని నిర్వహణ బాధ్యతను తన మేనల్లుడయిన బాలభావ్ చందోర్కర్ కి అప్పగించాడు.  1911 సంవత్సరంలో  భక్తులకోసం ప్రారంభింపబడ్డ మొట్టమొదటి హోటల్ బహుశా యిదే.

నానాసాహెబ్ చందోర్కర్

                       

                     

11.06.2014 బుధవారము

ఓంసాయి శ్రీసాయి జయజయ సాయి

సాయి బంధువులకు బాబావారి శుభాశీస్సులు

నానాసాహెబ్ చందోర్కర్

బాబాను సన్నిహితంగా సేవించిన భక్తులలో ఈ రోజు నానాసాహెబ్ చందోర్కర్ గురించి తెలుసుకుందాము.

            

(బాబాను పూర్తిగా అవగాహన చేసుకొని, ప్రగాఢమయిన భక్తితో ఆయన గురించి అందరికీ తెలియచేసిన మొట్టమొదటి వ్యక్తి) 

నానాసాహెబ్ పూర్తి పేరు నారాయణ్ గోవింద్ చందోర్కర్.  బాబా ఆయనను నానా అని పిలుస్తూ ఉండేవారు.  ఆయన బొంబాయిలోని కళ్యాణ్ నివాసి.  జనవరి 14, 1860 వ.సంవత్సరంలో మకర సంక్రాంతి నాడు జన్మించారు.

20 సంవత్సరాల వయసులో బీ.ఎ.తత్వ శాస్త్రంలో పట్టభద్రుడయి, భగవద్గీతలో ప్రావీణ్యాన్ని పెంపొందించుకొన్నారు.  డిగ్రీ అయిన తరువాత 1880 లో ప్రభుత్వ ఉద్యోగంలో ప్రవేశించి, ఏడు సంవత్సరాలలోనే డిప్యూటీ కలెక్టర్ అయ్యారు.   మొట్టమొదట ఆయన చిట్నీస్, తరువాత మామల్తదారు, ఆతరువాత డిప్యూటీ కలెక్టర్ అయ్యారు.  ఆయన తండ్రిగారు గోవింద పంత్. నానా చందోర్కర్ తన తండ్రి డిప్యూటీకలెక్టర్ గా పనిచేసిన కార్యాలయంలోనే ఆయన కూడా డిప్యూటీ కలెక్టర్ గా పని చేశారు.  ఆయన బాగా విద్యనభ్యసించారు.  సంస్కృతం లో మంచి ప్రావీణ్యం ఉంది.  విస్తృతంగా పర్యటనలు చేశారు.  1878 లో ఆయన జమీదార్ నానా సాహెబ్ ఓఝా కుమార్తె బాయజాబాయిని వివాహమాడారు.  ఆయనకు యిద్దరు కుమార్తెలు, మైనతాయి, ద్వారకామాయి, యిద్దరు కొడుకులు వాసుదేవ్ అనే బాబూరావు, మహదేవ్ అనే బాపురావు.  ఆయనకెంతో మంది ముస్లిం స్నేహితులు ఉన్నారు.  ఒకసారి ఆయన తండ్రిగారికి ఒక ముస్లిం వ్యక్తితో భేదాభిప్రాయం కలగడంతో, యిక ఏముస్లిం తోను ఎటువంటి స్నేహబాంధవ్యాలు పెట్టుకోవద్దని తన యింటిలోని వారందరికీ చెప్పారు.  నానాసాహెబ్ చందోర్కర్ కి యిది ఒక సమస్య అయింది.  నానాసాహెబ్ తండ్రిగారి గురువు శ్రీసమర్ధ శకరం.  ఆయన బ్రాహ్మణుడు.  నానా సాహెబ్ తన తండ్రితో తన గురువు శ్రీసాయిబాబా అనీ, ఆయన స్వయంగా ఆత్మ సాక్షాత్కారం పొందిన మహాపుణ్య పురుషుడని, ముస్లిం అని చెప్పారు.  ఆయన షిరిడీలో ఉంటారనీ తాను ఆయన దర్శనానికి తరచూ వెళ్ళి వస్తూ ఉంటానని చెప్పారు.  ఆయన తండ్రి, "సాయిబాబా నీగురువు కాబట్టి నువ్వు ఆయన దర్శనానికి వెడుతూఉండు" అని ప్రశాంతంగా జవాబిచ్చారు.  బాబా ఆయన తండ్రి మనసుని చాలా చమత్కారంగా మార్చేశారు.